joomla
free templates joomla

Рӯнамоии китоби шоир дар Академияи илмҳо

    «Дар таҷаллии офтоби аллома Иқбол» - чунин номгузорӣ шудааст китобе, ки ба қалами шоири ширинкалом Ҳақназар Ғойиб тааллуқ дошта, имрӯз, 23 – уми майи соли 2018, соати 15:00 рӯнамоии он дар толори Академияи илмҳои Ҷумҳурии Тоҷикистон баргузор шуд, ки дар он шоирону нависандагон ва ҳаводорону мухлисони шеъри Ҳақназар Ғойиб ширкат намуданд.

    Ҷаласаи тантанавиро президенти Академияи илмҳо, академик Фарҳод Раҳимӣ ифтитоҳ намуда, қайд намуд, ки саҳми шоири ширинкалом ва халқии Тоҷикистон дар адаби тоҷик бағоят бузург мебошад. 

1.54.jpg - 89.21 KB

    Ҳамчунин, фикру мулоҳизаҳои шоирону донишмандони тоҷик ба мисли: Гулназар Келдӣ, Аскар Ҳаким, Мирзо Муллоаҳмад, Абдунабӣ Сатторзода ва дигарон шунида шуд.

1.55.jpg - 139.41 KB

     Китоби мазкур  аз зумраи дурдонаҳоест, ки Шоири Халқии Тоҷикистон, Лауреати мукофоти давлатии Тоҷикистон ба номи Абуабдуллоҳ Рӯдакӣ устод Ҳақназар Ғойиб соли равон нашр намудааст ва шоир кӯшидааст собит созад, ки башар бо шинохти асли инсонии хеш ва решаҳои қавмияти таърихиаш на танҳо барои хонаи худ, балки барои хонаи ягонаи инсоният курраи Замин хештанро вазифадор созад. Илҳомдиҳандаи шоир дар навишти кохи муназзам аллома Иқболи Лоҳурист, ки дар ғазале чунин андешаро барои мутолиа созгор донистааст:

Мерасад марде, ки занҷири ғуломон бишканад,

Дидаам аз равзани девори зиндони шумо…

1.56.jpg - 128.81 KB

     Шоир Ҳақназар Ғойиб дар манзумаи хеш кӯшиш ба харҷ додааст то ихтилофи байни Шарқу Ғарбро аз байн бурда, дӯстиву рафоқатро дар миёни башар ба ҳайси маводи муфид бар тамомии инсонҳо кишт намояд. Чунки пас аз мутолиаи манзумаҳои Мавлоно Иқболи Лоҳурӣ, ки дар онҳо пешравии Ғарбро аз илму маориф ва техник иқрор гардида, омӯхтани тамаддуни Урупоро тавсиа намудааст, шоир ба хулосае меояд, ки Замин барои одам асту инсонҳо дар он ҳаққи фаъолият бинмуданро доранд. Минҷумла, Ҳақназар Ғойиб дар бардошт аз афкори аллома шеърҳое чун исъёни сонӣ, тӯфон дар тафаккур ва амсоли инҳо нигоштааст, ки мутолиаи онон шавқу завқро бедор мекунад.

Гуногунии биологӣ ва мушкилоти он

     22 – юми майи соли 2018 соати 09:00 бахшида ба рӯзи байналмилалии гуногунии биологӣ ва 25 – солагии Конвенсияи Созмони Миллали Муттаҳид оид ба гуногунии биологӣ барои нигаҳдории ҳаёт дар рӯи Замин дар толори Академияи илмҳои Ҷумҳурии Тоҷикистон Мизи мудаввар дар мавзӯи :Масъалаҳои нигаҳдории гуногунии биологӣ дар Тоҷикистон» баргузор гардид, ки онро президенти АИ ҶТ, академик Фарҳод Раҳимӣ ифтитоҳ намуда,  зимни  суханронии хеш қайд намуд: «Мушкилиҳои марбут ба ҳифз ва нигаҳдории гуногунии биологӣ на танҳо мушкилии Ҷумҳурии Тоҷикистон, балки тамоми кураи Замин аст ва башар айни замон бо дар назардошти таъсиргузории тағйирёбии иқлим дар бархурд бо хатари асосии табиӣ қарор гирифтааст.Ҷойивазкунии олами набототу ҳайвонот далели ин тағйирёбист, ки аз лиҳози илми биологӣ бар манофеи онҳост ё на? Дигар масъалае, ки бо дар назардошти нигаҳдории гуногунии биологӣ баррасӣ мешавад, мушкилии таъмини оби нушиданӣ ва вобаста бар он таъсиси Маркази омўзиши пиряхҳо дар Академияи улум маҳсуб мешавад.

1.52.jpg - 107.20 KB

   Сипас, раиси Кумитаи ҳифзи муҳити зисти назди Ҳукумати Ҷумҳурии Тоҷикистон Хайрулло Ибодзода ҷиҳати баррасии масоили марбут ба нигаҳдории гуногунии биологӣ гуфт: «Ҷумҳурии Тоҷикистон дар сафи пеши кишварҳои аз ҷиҳати гуногунии биологӣ мусбат ва таъмини муҳити созгори зистан қарор дорад».

    Ҷонишини директори БРСММ дар Ҷумҳурии Тоҷикистон Саня Баянич дар мавриди ҳифз ва нигаҳдории гуногунии биологӣ ҳарф зада, иқрор кард, ки Тоҷикистон талаботи Конвенсияи СММ – ро оид ба гуногунии биологӣ ҳамоҳангӣ намуда, барои ҳифзи ҳайвоноти нодир ва пиряхҳои нотакрор мусоидат менамояд.

    Дар ин ҳамоиш ноиби президенти АИ ҶТ Абдусаттор Саидов дар мавзӯи «Нигаҳдории намудҳои калидии ҳайвоноти ширхӯр дар Тоҷикистон», номзади илми биологӣ И. Турақулов дар мавзӯи «Масъалаҳои актуалии омӯзиши олами набототи Тоҷикистон», директори Институти биологии Помир ба номи Х.Юсуфбекови АИ ҶТ Д. Наврӯзшоев дар мавзӯи «Масъалаҳои нигаҳдорӣ ва  истифодаи устувори захираҳои намояндаҳои оилаи мураккабгулон (Asteraceae) дар Тоҷикистон» ва дигарон маърўза намуда, гуногунии биологиро чун омилҳои табии муҳити зист ва қонунҳои табиат баррасӣ карданд.

1.53.jpg - 134.51 KB

   Дар анҷоми ҳамоиш иштироккунандагон баёнияи муштаракеро қабул намуданд, ки дар он аз ҳамагон барои ҳифзу нигаҳдории гуногунии биологӣ даъват карда мешавад.

 

 

 

Анҷоми Семинари байналмилалӣ дар Академияи илмҳо

1.49.jpg - 119.47 KB

   Имрӯз дар толори Академияи илмҳои Ҷумҳурии Тоҷикистон Семинари байналмилалии омӯзиш ва таҳқиқи гуногунии биологӣ дар пойгоҳи куҳию ботаникии Варзоб «Кондара» анҷом пазируфт. Иштироккунандагони семинар аз ҳафт кишвари пасошӯравӣ – Федератсияи Россия, Ҷумҳуриҳои Арманистон, Озарбойҷон, Молдова, Қазоқистон, Қирѓизистон, Узбекистон дар кори Семинари байналмилалӣ аз мавзеҳои гуногуни Тоҷикистон дидан намуда, таассуроти хешро ифшо карданд.

   Бояд иқрор кард, ки Семинари мазкур бо дастгирии Фонди байналмилалии ҳамкориҳои гуманитарӣ аз 11 – уми май то 15 - ум идома дошта, дар музокирот намояндаи Институти масъалаҳои фундаменталии биологии Академияи улуми Россия Д.В.Демин, намояндаи Институти ботаникаи АИ Ҷумҳурии Арманистон С.В.Ваданян, намояндаи Институти биология ва биотехнологияи растании Ҷумҳурии Қазоқистон Н.Рамаданова, намояндаи Донишгоҳи давлатии Ҷумҳурии Озарбойҷон М.Т.Ғозиев, намояндаи Ҷумҳурии Молдова Е.Бабан, намояндаи Ҷумҳурии Қирғизистон Г.Дотқулова ва намояндаи Ҷумҳурии Узбекистон Ф.Каримов ширкат варзиданд. Бояд гуфт, ки олимони ҷавони кишварҳои пасошӯравӣ афкори гуногунро ҷиҳати баррасии масъалаҳои калидии семинар изҳор намуданд. 
  Дар кори семинар олимони ҷавони  Ҷумҳурии Тоҷикистон М.Мамадюсуфова, В.Ғанизода,О.Амиров ва дигарон бо маърӯзаҳои илмӣ суханронӣ намуда, авзои гуногунии биологиро дар минтақа таҳқиқ карданд. 

Баррасии вохӯрии Пешвои миллат дар АИ ҶТ

    Имрӯз (18.05.2018) дар толори раёсати Академияи илмҳо баррасии вохӯрии Пешвои миллат бо намояндагони чомеаи кишвар (12.05.2018) аз тарафи олимону донишмандони барҷастаи мамлакат  мавриди таҳқиқу омӯзиш қарор дода шуд.

1.50.jpg - 109.40 KB

    Сухани нахустро президенти АИ ҶТ, академик Фарҳод Раҳимӣ кушода, қайд намуданд, ки вохӯрии мазкур барои кормандони муассисахои давлатӣ  чун дастурамалест ва татбиқи он дастурамал барои шаҳрвандони Ҷумҳурии Тоҷикистон аз омилхои мусоидат намудан ба рушди ҳамаҷонибаи давлату миллат мебошад.

1.51.jpg - 125.52 KB

   Дар ин ҳамоиш роҳбари Маркази илмӣ-инноватсионии АИ ҶТ, академик Мамадшо Илолов,  директори Институти масъалахои об, гидроэнергетика ва экологияи АИ ҶТ  Кобулиев Зайналобиддин,  муовини  директори Институти ботаника, физиология ва генетикаи растании АИ ҶТ  Абдуллоев Ҳомидҷон ва дигар олимону муҳаққиқон бо маърӯзаву пешниҳодҳои ҷолиби хеш баҳси гармеро ба бор оварданд.

Дар анҷоми ҷамъомад муроҷиатномаи АИ ҶТ оид ба тамоми масъалаҳову пешниҳодҳои олимону донишмандон қабул гардид.

 

 

 

 

 

 

 

Эҷод кун, ҷуръат намо, ҳақиқатро муҳофиз бош!

  1.45.jpg - 130.94 KB

     Бо чунин шиор XXXX - умин Сессияи баҳории Академияи хурди илмҳои Ҷумҳурии Тоҷикистон дирӯз дар таърихи 13 – уми майи соли 2018 дар Мактаби байналмилалии Президентӣ баргузор шуд, ки ба Даҳсолаи байналмилалии амал «Об барои рушди устувор» дар солҳои 2018 – 2028 бахшида шуда,  толибилмони макотиби таҳсилоти умумии кишвар дар ин ҷаласа ширкат варзиданд.

1.46.jpg - 147.16 KB

             Сессияро президенти Академияи илмҳои ҶТ, академик Фарҳод Раҳимӣ ифтитоҳ намуда, ҳангоми суҳбат бо толибилмон гуфт, ки таблиғу таҳлили илм мутолиаву омӯхтани он рисолати бузургест ва дар ин ҷода масъулин барои хурдсолон шароити мусоидро фароҳам меоваранд. Ҳамаи олимони АИ ҶТ барои вохуриҳою мусоҳибаҳо бо толибилмон мусоидат хоҳанд кард.

1.47.jpg - 172.69 KB

           Дар Сессияи баҳорӣ ноиби президенти АИ ҶТ Муҳаммад Абдураҳмон, муовини аввали Вазири маориф ва илми ҶТ Раҳматулло Мирбобоев, Раиси Федератсияи иттифоқҳои касабаи ҶТ Қодири Қосим, Роҳбари Маркази илму фарҳанги Россия дар Тоҷикистон Михаил Вождаев ва дигарон суханронӣ намуда, хурдсолонро барои андӯхтани илму маърифат тарғиб карданд.

1.48.jpg - 126.43 KB

   Дар анҷоми Сессия ғолибон бо мукофотҳо қадрдонӣ шуданд.