joomla
free templates joomla

Маърӯзаи илмии академик

     Дар таърихи 06.06.2018 дар толори Академияи илмҳои Ҷумҳурии Тоҷикистон семинари илмӣ ҷиҳати баррасии бактерияҳои падидоянда дар меъда ва ба саратони меъда овардани он баргузор гардид. Семинарро ноиби президенти АИ ҶТ, узви вобастаи АИ ҶТ Абдусаттор Саидов ҳусни оғоз бахшида, ҳангоми суханронӣ изҳор кард, ки аз омилҳои рушд кардани бактерияҳо дар меъдаи инсонҳо истеъмоли ғайри қобили қабули оби нушокӣ маҳсуб мешавад.

1.63.jpg - 105.93 KB

   Дар семинар академик Ғиёсуддин Мироҷов  маърӯза намуда, мушкилиҳои асосии пайдоиш ва рушд кардани бактерияҳоро дар меъда баррасӣ кард. Дар толор суолу посух сурат гирифта, дар он олимони шинохта иштирок карданд. Академик Мироҷов тазаккур дод, ки 94 дар 100 аҳолии кишварамон соҳиби бактерияҳои сабук ҳастанд, ки паҳлуҳои мусбатро надошта, аз риоя нагардидани мейёрҳои санитарӣ пайдо мешаванд.

1.64.jpg - 114.02 KB

Терроризм ва ифротгароӣ

 

 

 

  (дар партави суханронии Ҷаноби Олӣ дар Конфронси байналмилалӣ зери унвони “Муқовимат бо терроризм ва ифротгароии хушунатомез”)    

     Солҳои охир яке аз мушкилиҳое, ки тамоми ҷомеаи  муосирро фаро гирифтааст, ин терроризм, ифротгароӣ ва дигар зуҳуроти номатлубу хатарзо мебошад.

Имрӯз терроризм ва экстремизм ҳамчун вабои аср ба амнияти ҷаҳон ва ҳар сокини сайёра таҳдид карда, барои башарият хатари на камтар аз силоҳи ядроиро ба миён овардааст. Тули даҳсолаҳои охир ин зуҳуротҳо торафт авҷ гирифта, ба муаммои муҳими на танҳо кишвари мо, балки ҷомеаи ҷаҳонӣ табдил ёфта истодааст.

      Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ҳамчун сиёсатмадори сатҳи ҷаҳонӣ мунтазам аз минбарҳои Созмони Милали Муттаҳид ва дигар ташкилотҳои бонуфузи байналмилалӣ оид ба норавоии ба дини мубини Ислом нисбат додани зуҳуроти нанговари терроризми байналмилалӣ ва роҳу усулҳои тақвияти мубориза бо ин зуҳурот фикру андеша ва таклифҳои муфиду ҷолиберо баён менамоянд, ки мавриди дастгирии ҷомеаи ҷаҳонӣ, бахусус мусулмонони сайёра қарор мегиранд.

   Бо дарназардошти воқеияти кунунӣ ва бо мақсади таъмини амнияти устувор ҷиҳати пешгирӣ аз хатарҳои афзояндаи терроризму ифротгароӣ ва дигар таҳдидҳои замони муосир ҷумҳурии мо омода аст ҳамкориҳои густурдаро бо созмонҳои байналмилаливу минтақавӣ ва кишварҳои шарик тақвият бидихад.

   Бо ин мақсад дар ҳамкорӣ бо Созмони Милали Муттаҳид, Иттиҳоди Аврупо, Созмони Амният ва Ҳамкорӣ дар Аврупо ва дигар шарикони рушд моҳи майи соли 2018 дар Душанбе Конфронси байналмилалии сатҳи баланд зери унвони “Муқовимат бо терроризм ва ифротгароии хушунатомез” баргузор гардид, ки дар он 400 нафар намоянда аз кишварҳои мухталиф ва 30 намоянда аз созмонҳои байналмилалӣ ширкат варзиданд.

   Ҳадафҳои ин конфронс таҳкими ҳамкориҳои мутақобила оид ба масоили муайан ва пешгирии амалиётҳои террористии фаромарзӣ, тавсеаи заминаи ҳуқуқӣ барои таҳкими минбаъдаи ҳамкориҳо барои муқовимат бо терроризм миёни кишварҳо, баррасии мушкилоти амалисозии чораҳои мубориза бо терроризм, ҳамкориҳо барои муқовимат алайҳи ҷиноятҳои кибернетикӣ мебошанд.

    Дар ин чорабинӣ Президенти Ҷумҳурии Тоҷикистон Эмомалӣ Раҳмон  доир ба паҳлуҳои муҳими ин масъала, ки имрӯз яке аз масъалаҳои доғи рӯз - муқовимат бо терроризм ва ифротгароӣ мебошад, суханронӣ намуданд.

     Хатарҳои замони муосир, вазъият дар Ховари Миёна, бахусус, вазъи Афғонистони ҳамсоя моро водор месозанд, ки ба масъалаи таъмини амният диққати аввалиндараҷа диҳем.

Мусаллам аст, ки таъмин намудани сулҳу субот ва амнияти пойдори кишварҳо аз ҷумлаи вазифаҳои калидӣ ва шарти муҳимтарини роҳандозиву пешбурди равандҳои созанда ба хотири рушди устувор дар сатҳи байналмилалӣ ва минтақавӣ ба ҳисоб меравад.

   Пӯшида нест, ки дар чунин вазъият кишварҳои дунё дар танҳоӣ наметавонанд дар муқовимат бо хавфу таҳдидҳои афзояндаи амнияту осоиш комёб гарданд ва сулҳу суботро таъмин намоянд.

   Аз ин лиҳоз, бо дарназардошти воқеияти мавҷуда, мо дар сатҳи минтақа ва ҷаҳон пурзӯр кардани ҳамкориву шарикиро барои таъмини суботу амнияти фарогир тавассути андешидани иқдомҳои муштарак дар ҷодаи мубориза бо терроризму ифротгароӣ ва аз байн бурдани омилҳои дастгирии сиёсӣ, низомӣ ва молиявии онҳо ҳамчун самти амалии раҳоӣ аз ин вартаи хатарнок муҳим арзёбӣ гардид.

   Дар иртибот ба ин, таъкид гардид, ки Тоҷикистон дар арсаи мубориза бар зидди терроризму ифротгароӣ, тундгароӣ ва дигар хатару таҳдидҳои замони муосир, аз қабили гардиши ғайриқонунии маводи мухаддир ва силоҳ, ҷинояткориҳои муташаккили фаромиллӣ ва киберҷиноятҳо шарики табиии ҳамаи давлатҳои дунё ва созмонҳои байналмилаливу минтақавӣ мебошад.

   Ҳамин аст, ки имрӯзҳо гурӯҳҳои террористиву ифротӣ бо созмонҳои диниву миллатгароии тундрав ва дигар ниҳодҳои ҷиноятӣ ба ҳам омада, дар манотиқи гуногуни ҷаҳон хушунату зӯроварӣ, хунрезиву низоъҳои диниву мазҳабӣ, нажодӣ ва ҳатто бархӯрди тамаддунҳоро барангехтаанд.

   Дар ин замина он ҳам боиси нигаронии амиқ аст, ки террористон ва ифротгароён бо сӯиистифода аз номи поки дини ислом ба паҳншавии афкори исломситезӣ ва бадбинии мусулмонон мусоидат менамоянд.

   Имрӯзҳо бар асари ноамниҳо дар нуқтаҳои гуногуни олам таҳдидҳои амниятӣ ба минтақаи мо низ рӯ ба афзоиш мебошанд.

  Кишвари мо, бинобар мавқеи ҷуғрофии худ, дар марзи аввали муқовимат бо таҳдиду хатарҳои муосир қарор дорад.

  Ба ҳама маълум аст, ки таъмини сулҳу субот дар Осиёи Марказӣ бо вазъи амниятӣ дар Афғонистон робитаи ногусастанӣ дорад.

 Ҷумҳурии Тоҷикистон, ки бо Афғонистон сарҳади тӯлонӣ (зиёда аз 1400 километр) дорад, нисбат ба вазъияти кунунӣ дар ин кишвари дӯсту ҳамсоя, аз ҷумла дар минтақаҳои шимоли он бетафовут буда наметавонад.

Далели ин гуфтаҳо он аст, ки агар солҳои қаблӣ дар Афғонистон дар қатори ҷангҷӯёни ҳаракати “Толибон” намояндагони ҳамагӣ 15 кишвар мушоҳида мешуданд, ҳоло дар сафҳои созмони ба ном “Давлати исломӣ” ва дигар гурӯҳҳои террористӣ ҷангидани шаҳрвандони зиёда аз 100 давлат таъйид шудааст.

 Аз рӯи маълумоти дастрас шумораи ҷангиёни гурӯҳҳои террористие, ки дар Ироқу Сурия ҷойгир буданд, то 100 ҳазор нафар мерасид.

 Мавриди таъкид аст, ки баъди амалиётҳои зиддитеррористӣ дар Сурия ва Ироқ аъзои гурӯҳҳои алоҳидаи экстремистиву террористӣ ба давлати Афғонистон омада, қаламрави онро ба майдони ҳарбу зарби терроризми байналмилалӣ табдил додаанд.

  Вусъатёбии фаъолияти чунин гурӯҳҳои террористиву тундгаро, аз қабили созмони ба ном “Давлати исломӣ”, “Ал-Қоида”, “Толибон” ва монанди инҳо илова ба гардиши ғайриқонунии маводи мухаддир дар ин кишвар, аз ҷумла дар минтақаҳои бо Тоҷикистон ҳаммарзи он боиси нигаронии амиқи мо гардидааст.

  Тоҷикистон саъю талошҳои ҷомеаи ҷаҳониро ҷиҳати ҳаллу фасли фарогири қазияи Афғонистон ҷонибдорӣ менамояд.

Итминон аст, ки натиҷаҳои конфронси баргузоргардида, ҷиҳати вусъати тоза бахшидан ба ҳамкориҳо дар самти муборизаи муштарак бо терроризму ифротгароӣ ва расидан ба ҷаҳони озод аз ин зуҳуроти хатарноки аср мусоидат хоҳанд кард.

         

                                                                                                                                                                           Каримов Муҳриддин

аспиранти соли аввали

Институти Омӯзиши

масъалаҳои давлатҳои

Осиё ва Аврупои

Академияи илмҳои Ҷумҳурии Тоҷикистон

 

 

 

 

Курси бозомӯзӣ дар Академияи илмҳо

1.59.jpg - 128.37 KB

 Имрӯз  (26.05.2018)  дар  толори Академияи илмҳо  Ҷумҳурии Тоҷикистон Машғулиятҳои курси бозомӯзӣ барои раисони Ташкилотҳои ибтидоии  Ҳизби халқии демократии Тоҷикистон дар ноҳияи Шоҳмансур  дар мавзӯи  “оид ба тақвият бахшидани фаъолияти ташкилотҳои ҳизбӣ дар  минтақаҳо ва баланд бардоштани дониши сиёсии раисони ташкилотҳои ибтидоӣ”  баргузор гардид.

1.60.jpg - 129.39 KB

     Дар ҷамъомади мазкур баромадҳои пурмуҳтавои  Сангинов  Ҷумъабой дар мавзӯи  “Нақши ҲХДТ дар таҳкими ҳокимияти давлатӣ”;  Наимов Маҳмадулло  “лексия-сӯҳбат”;  Сайфуллоев Қаноатулло “ Тақвияти фаъолият дар мубориза бар зидди экстремизм ва терроризм дар ташкилотҳои ҳизбӣ”;  Ҳамидов Илҳомҷон Иномҷонович “лексия-сӯҳбат”; Хонов Абдураҳмон “Усулҳо ва манбаъҳои  ташвиқоти пешазинтихоботӣ-Ташаккули эҳсоси ватандӯстӣ ва рушди фарҳанги сиёсии аъзои ҳизб” шунидаву мавриди саволу ҷавоб қарор гирифт.

1.61.jpg - 127.99 KB

 

 

Ҷаласаи васеи Академияи илмҳо

 

 

 

     1.70.jpg - 85.15 KB

   Имрӯз, 04.06.2018 дар толори Академияи илмҳои Ҷумҳурии Тоҷикистон ҷаласаи васеъ баргазур шуд, ки дар он директорон, муовинони директорон, котибони илмӣ ва ходимони илмии муассисаҳои илмии АИ ҶТ иштирок намуданд. Ҷаласаро президенти Академияи илмҳо, академик Фарҳод Раҳимӣ ифтитоҳ намуда, мутазаккир шуд, ки ҳадаф аз баргузории инчунин ҷаласаҳо таҳқиқоту кашфиёту ихтироот аст, на ҳисоботи хушку холӣ. Аз ин хотир, олимон вазифадоранд то дар рушду тараққии кишвар саҳм бигзоранд.

1.71.jpg - 131.01 KB

   Дар ҷаласаи мазкур натиҷаҳои авзои илм дар Институти ботаника, физиология ва генетикаи растанӣ, маркази таҳқиқоти технологияҳои инноватсионии назди АИ ҶТ, маркази омӯзиши пиряхҳои назди АИ ҶТ баррасӣ шуда, ҳангоми музокирот академикҳо Мусо Диноршоев, Мамадшо Илолов, Муҳиба Якубова,  аъзои вобаста Муҳаммад Абдураҳмон, директори Институти ботаника, физиология ва генетикаи растанӣ Акобир Мирзораҳимов, сардори маркази таҳқиқоти технологияҳои инноватсионии назди АИ ҶТ Бахтиёр Эшов пешниҳодот ва тавсияҳоро пешкаши ҳозирин намуданд.

1.72.jpg - 138.41 KB

 

 

 

Ҷаласаи Шӯрои ҳамоҳангсозӣ

    25 – уми майи соли 2018 дар толори Академияи илмҳои Ҷумҳурии Тоҷикистон ҷаласаи Шӯрои ҳамоҳангсозии корҳои илмию таҳқиқотӣ дар соҳаи илмҳои табиатшиносӣ, техникӣ, кишоварзӣ, гуманитарӣ ва ҷамъиятшиносӣ баргузор шуд.

1.57.jpg - 90.79 KB

    Ҷаласаро президенти Академияи илмҳои ҶТ, академик Фарҳод Раҳимӣ ифтитоҳ намуда, ҳозиринро хайра мақдам гуфт ва зимни суханронии хеш изҳор дошт, ки олимони гуногунсоҳа ба барномаҳои марбут ба Шӯрои ҳамоҳангсозиро бояд дар муддати муайянгардида пешниҳод намоянд.

   Сипас, ҳозирини гиромӣ ҳисобот оид ба фаъолияти Шӯрои ҳамоҳангсозии корҳои илмию таҳқиқотӣ аз моҳи майи соли 2017 то моҳи майи соли 2018 – ро дар гузориши саркотиби илмии АИ ҶТ, муовини раиси Шӯрои ҳамоҳангсозии КИТ Қосимшо Искандаров шунида, перомуни он музокира барпо карданд. Дар музокирот олимони шинохта ширкат варзиданд.

1.58.jpg - 123.99 KB