МУҚОВИМАТ БО НОШОИСТАГИҲО
Имрӯз дар санаи 22.02.2023 дар толори Академияи миллии илмҳои Тоҷикистон тибқи нақшаи чорабиниҳои амалисозии Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030 ва барои марҳилаи якум (солҳои 2021-2025) бо иштироки масъулини АМИТ ва Оҷонсии назорати давлатии молиявӣ ва мубориза бо коррупсияи Ҷумҳурии Тоҷикистон вохӯрии муфид баргузор шуд. Дар вохӯрии мазкур президенти АМИТ, академик Фарҳод Раҳимӣ ва муовини сардори Раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар шаҳри Душанбе Насриддинзода Қиёмиддин Шовалӣ суханронӣ намуданд.
Воқиф будани кормандони муассисаҳои илмии кишвар аз Стротегияи давлатии муқовимат ба коррупсия дар Ҷумҳурии Тоҷикистон барои давраи то соли 2030 ва барои марҳилаи якум (солҳои 2021-2025) бештари қонуншиканиро пешгирӣ хоҳад кард.